Անտառային հրդեհները մթնոլորտ են արտանետում մեծ քանակությամբ ազոտի օքսիդներ և ցնդող օրգանական միացություններ

«ՇՄՆ Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը գրում է․

«Անտառային հրդեհները մթնոլորտ են արտանետում մեծ քանակությամբ ազոտի օքսիդներ (NOx) և ցնդող օրգանական միացություններ (VOC)։ Արևի ճառագայթների ազդեցության տակ դրանք մտնում են լուսաքիմիական ռեակցիաների մեջ՝ առաջացնելով գետնամերձ օզոն (O₃)։

Ծուխը և օզոնի պրեկուրսորները կարող են տարածվել մեծ հեռավորությունների վրա, ինչի հետևանքով բարձր O₃ կոնցենտրացիաներ են դիտվում անգամ հրդեհի աղբյուրից հեռու։

Գետնամերձ օզոնի բարձր մակարդակը՝

-վնասակար է մարդու առողջությանը (հատկապես շնչառական համակարգի),

-վնասում է բուսականությանը,

-նվազեցնում է գյուղատնտեսական բերքատվությունը։

Ներկայումս այս երևույթը նկատվում է Պորտուգալիայում և Իսպանիայում, որտեղ շարունակական անտառային հրդեհները նպաստում են O₃-ի մակարդակի բարձրացմանը»։